Proverb | Meaning |
જે ડાળી પર બેસે તે જ ડાળી કાપે (એવું પોતાનું જ નુકસાન કરનારું) જે થાય કળથી તે ન થાય બળથી | બળ કરતાં બુદ્ધિ ચઢિયાતી છે. |
જે થાય માવડિયું તેને ના મળે કાવડિયું | માતાની આજ્ઞા અને સલાહ અનુસાર વર્તનાર કમાણી કરી શકતો નથી. |
જે દિલમાં હોય તે જબાન પર આવે | મનમાં તેવું વાણીમાં. |
જે ધન ખાધું સાલે, તે ન વળે કોઈ કાળે | જે ધન ખર્ચાઈ ગયું તે પાછું આવતું નથી. |
જે ન કરે વૈદ તે કરે દૈવ | જ્યારે દવાદારૂ કામ નથી આવતાં ત્યારે ઈશ્વરી મદદ કામ આવે છે. |
જે ન ખાય ગળ્યું, તેનું જીવતર બળ્યું | ગળ્યું ખાવા પામનાર બડભાગી છે. |
જે ન ખાય તનખા માલ, તે ખાશે બચકા માલ (તનખા તણખલું) કોડી હરામ, બચકા હલાલ | તણખલા ભાર હરામનું ન ખાનારો પોટલે પોટલા હરામનું હજમ કરી જતો હોય છે. |
જે ન ખાશે ફૂલનો માર, તે ખાશે જેરબંદનો માર | (જેરબંદ સાટકો; કોરડો) ફૂલનો માર ચૂકશે તે સાટકા ખાશે. |
જે પાણીએ દાળ ન ચઢે તે પાણીએ વાલ કેમ ચઢે? | સહેલું જ ન થાય તો અઘરું કેમ થાય? |
જે પાણીએ મગ ચઢે તે ખરા | જેનાથી કામ સિદ્ધ થાય એનો ઉપયોગ કરી લેવો |
જે પીએ દારૂ એના ઘરમાં અંધારું | દારૂડિયાને ઘેર અવ્યવસ્થા ને પાયમાલી જ હોય. |
જે પીએ દારૂ, તેના મામલા વાળું, જે પીએ શરાબબાજી, તેની પર હકતાઅલા રાજી? | જે પીએ દારૂ તેને ઘેર અંધારું. દારૂની લતે ચઢેલ પર ઈશ્વર રાજી હોય ખરો? |
જે પીએ શરાબ, તેનું ખાનું ખરાબ | (ખાનું ખરાબ ઘર બરબાદ) જે પીએ દારૂ તેને ઘેર અંધારું. |
જે પોતાનો ન થયો તે પારકાનો શું થાય? | અવિશ્વસનીય વ્યક્તિ. |
જે પોતે ચોર હોય તે બીજાને ચોર ગણે | પોતે હોય તેવો બીજાને સમજે. |
આડા ઊભાં ગોઠવાયેલા શબ્દોમાંથી સાચો શબ્દ શોધતી ગુજરાતી ભાષાની ઓનલાઇન રમાતી પ્રથમ રમત એટલે વર્ડ સર્ચ.
મગજને કસરત કરાવતી અને જોડકાં જોડો પદ્ધતિ દ્વારા શબ્દ અને અર્થ કે સમાનાર્થીને જોડતી એક રસપ્રદ રમત એટલે ક્વિક ક્વિઝ.
મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.