Proverb | Meaning |
જવાનીનું રળવું, ને કોગળિયાનું મરવું | કૉલેરા જેમ મારવામાં સપાટો બોલાવે એમ જુવાનીમાં રળવામાં ઘણું ધન એકઠું કરી શકાય. |
જવાનીનું રળેલું ને પરોઢિયાનું દળેલું આપત્તિમાં કામ લાગે | બચત કરી હોય તો પાછલી અવસ્થામાં કામ લાગે. |
જવાનીનું રળેલું ને રાતનું દળેલું આગળ કામ લાગે | જીવનની શરૂઆતમાં કમાયેલું અને વહેલી સવારનું દળેલું પાછલી વેળા કામમાં આવે. |
જવાનું હોય તે રહે નહિ, ને રહેવાનું હોય તે જાય નહિ | જવાનું હોય તે જાય જ. |
જવાસા જેવું અદેખું કોઈ નહિ | જવાસાનો છોડ જ્યારે ભાગ્યે જ છોડઝાડ થાય ત્યારે ઊગે અને ચોમાસામાં બહુ બધાં છોડઝાડ ઊગતાં જોઈ અદેખાઈથી જાતે જ સુકાઈ જાય છે. |
જવાસાને ખોળે ગયું | જવાસાની જોડે એ પણ સુકાઈ ગયું. |
જવું જગન્નાથજી ને થાક્યા થાણેથી | (થાણા બટવા સ્થળો છે.) દૂર જવું છે તે થોડે આવી થાક્યા |
જવું મુંબઈ અને થાક્યા વડોદરાથી | પહેલેથી જ માણસમાં નિરાશા હોય તો લક્ષ્ય પર પહોંચી શકાતું નથી. |
જવું મુંબઈ ને થાક્યા વટવેથી | પુરીની જગન્નાથપુરીની યાત્રા કરવી હતી ને મુંબઈથી જ આગળ ન વધી શકાયું. |
જવું મુંબઈને થાક્યા વડોદરાથી | પહેલાંથી જ માણસમાં નિરાશા હોય તો લક્ષ્ય પર પહોંચી શકતું નથી. |
જશ ઉપર જૂતિયાં | જશ આપવાને બદલે ખાસડાં માર્યાં. |
જશ જાનગરો છે | જશ તેને જ મળે છે જે વખત આવ્યે જાત પણ આપી દે. |
જશ તો જાન ગયે મિલે | જીવ ગયા પછી જ જશ મળે. |
જશ તો જાનગરો છે | જશ તો નુકસાનકર્તા કે ખર્ચથી મળે એવો છે. |
જશને બદલે જુતિયાં | આપણે કોઈને મદદ કરીએ ને તે સામેથી આપણો વાંક કાઢે. |
ચાની ચૂસકીની લિજ્જત વધારતી આડી ઊભી ચાવીની લોકપ્રિય અને રસપ્રદ રમત એટલે ક્રોસવર્ડ. અહીં તમે તરત જ જવાબ સાચો છે કે ખોટો તે જાણી શકાશે.
કહેવતના આડા અવળાં ગોઠવાયેલા શબ્દોને યોગ્ય ક્રમમાં ગોઠવી સાચી કહેવત અને તેનો અર્થ જણાવતી રમત એટલે જંબલ ફંબલ
મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.