ચૂંટણી
January 27 2015
Written By Natwarlal Modha
ચૂંટણી આવી આંગણે મારે, પોખો’ને વધાવો રે,
સેવાના નામે મેવા ખાવા ઉમેદવારી નોંધાવો રે.
ઉમેદવારે ટીલાં તાણ્યા, ચોટલી ખેંચી તાણી રે,
ધોળા ઝભ્ભા, ટોપી પહેરી ગાંધી યાદ આવ્યા રે.
નીંદરું એણે વેરણ કરી, આંખ્યું આવી ઓળે રે,
નારા લખવા કવિયું’ને લેખક લાવ્યા તાણી રે.
એક-બીજાને ગાળો દઈને વાતાવરણ બગાડ્યું રે.
છેલ્લે પાટલે બેસી જઈને દેશનું નામ ઉજાડ્યું રે.
સાઈઠ વરસની આઝાદીમાં કૉંગ્રેસે શું ઉકાળ્યું રે,
ચારે કોરથી ઉસળી લઈને સ્વીસ બેંકોને તારી રે,
ઘરનો છોકરાં ઘંટી ચાટે અને પડોશીને આટો રે.
મંત્રીઓને બંગલા મોટર,ગરીબની થાળી ખાલી રે,
મોંઘવારીએ ભરડો લીધો, ગરીબ વલખાં મારે રે,
છત-છાપરા માટે તલસે, પાણી-વીજળી ક્યારે રે?
ભ્રષ્ટાચાર’ને ભ્રષ્ટાખોરથી દેશ આખો ઊભરાતો રે
ખૂરશી ખાતર જૂઠ બોલીને, સચનું આણું વાળ્યું રે,
આઈ પી એલની મેચો જોવા મફત પાસ મેળવે રે,
એસી કેબિન સોફામાં બેસી મોજ્યું સૌ છે માણે રે.
કાજૂ-બદામ-પીસ્તાની તો ત્યાં તો ઉડ્યે છોડો રે,
દેશી અને વિદેશી દારુ, બીઅર ચીઅર્સ મારે રે.
રમત-ગમતમાં રમતું માંડી કૉમનવેલ્થ અભડાવ્યું રે,
ટુ-જી, થ્રી-જી ટેલિફૉનમાં ગફલાં બાજી મારી રે.
પેટ્રોલ-વીજળી વધતાં રહેતા, કેરોસીનના સાંસા રે,
કોલસામાં પણ કરી દલાલી, હાથ ચોખ્ખા રાખ્યા રે.
કટકી કરનારાને ત્યાંતો રોકડા રુપિયા ફરતા રે,
ધાડ પાડી પકડી લેવા આંખ આડા કાન કરતા રે.
(રચનાકાર: નટુભાઈ મોઢા, મૈસૂર, તા: 7-5-2014)
More from Natwarlal Modha
More Kavita
Interactive Games
Jumble Fumble
કહેવતના આડા અવળાં ગોઠવાયેલા શબ્દોને યોગ્ય ક્રમમાં ગોઠવી સાચી કહેવત અને તેનો અર્થ જણાવતી રમત એટલે જંબલ ફંબલ
Hang Monkey
9 પ્રયત્નની અંદર કયો શબ્દ આપેલ છે તે શોધી અને બંદરને ફાંસીના માંચડે ચઢાવતાં અટકાવો. આ રમત અંગ્રેજી અને ગુજરાતી એમ બન્ને ભાષા માટે રમી શકાશે.
Crossword
ચાની ચૂસકીની લિજ્જત વધારતી આડી ઊભી ચાવીની લોકપ્રિય અને રસપ્રદ રમત એટલે ક્રોસવર્ડ. અહીં તમે તરત જ જવાબ સાચો છે કે ખોટો તે જાણી શકાશે.