આમ ના કરી શકાય?..
August 24 2020
Written By Chandpa Hitesh
મેં વિચાર્યું આમ ને તેમ, ના કરી શકાય?
ને કરી શકાય, તો બીજું શું શું કરી શકાય?
જો સરખી માવજત કરવામાં આવે,
તો શું કોઈનાં પગલાનું દેવાલય ના કરી શકાય?
ને એ દેવાલયની સામે એક પીપળો વાવી,
એના ફરતે ચોરો બનાવી,
એના પર થોડા ભાભલાઓને બેસાડી,
ને પછી એ ભાભલાઓની સભામાં ભંગાણ ના પાડી શકાય?
મેં વિચાર્યું આમ ને તેમ, ના કરી શકાય?
ને કરી શકાય, તો બીજું શું શું કરી શકાય?
ઊભી બજારે કોઈને દોડાવી,
એના ગુના કબુલ કરાવી,
પેલા ભાભલાઓના ચોરે એને સોંપી,
એ ગુનેગારને સૌની સામે દિવસે તારા ના દેખાડી શકાય?
મેં વિચાર્યું આમ ને તેમ, ના કરી શકાય?
ને કરી શકાય, તો બીજું શું શું કરી શકાય?….
More from Chandpa Hitesh
More Kavita
Interactive Games
Ukhana
બાળપણમાં માણેલા અને હવે ભૂલાતં-વિસરાતાં જતાં જ્ઞાન વર્ધક કોયડાઓની રમત એટલે ઉખાણાં
Jumble Fumble
કહેવતના આડા અવળાં ગોઠવાયેલા શબ્દોને યોગ્ય ક્રમમાં ગોઠવી સાચી કહેવત અને તેનો અર્થ જણાવતી રમત એટલે જંબલ ફંબલ
Crossword
ચાની ચૂસકીની લિજ્જત વધારતી આડી ઊભી ચાવીની લોકપ્રિય અને રસપ્રદ રમત એટલે ક્રોસવર્ડ. અહીં તમે તરત જ જવાબ સાચો છે કે ખોટો તે જાણી શકાશે.