મોટા માંડવડા રોપાવો, ઝીણી છાજલીએ છવરાવો માણારાજ,
માંડવડે માણેકથંભ રોપાવો માણારાજ.
વીરના પિતાને તેડાવો, વીરની માતાને તેડાવો માણારાજ,
માણેકથંભ મોતીડે વધાવો માણારાજ,
હોંશો મોભી પરણાવો માણારાજ.
મોટા માંડવડા રોપાવો, ઝીણી છાજલીએ છવરાવો માણારાજ,
માંડવડે માણેકથંભ રોપાવો માણારાજ.
વીરના વીરાને તેડાવો, વીરની ભાભીને તેડાવો માણારાજ,
હોંશે બાંધવ પરણાવો માણારાજ,
માણેકથંભ મોતીડે વધાવો માણારાજ,
હરખે માંડવડો વધાવો માણારાજ.
વીરના મામાને તેડાવો, વીરની મામીને તેડાવો માણારાજ,
હોંશે ભાણેજ પરણાવો માણારાજ,
માણેકથંભ મોતીડે વધાવો માણારાજ,
હરખે માંડવડો વધાવો માણારાજ.
મગજને કસરત કરાવતી અને જોડકાં જોડો પદ્ધતિ દ્વારા શબ્દ અને અર્થ કે સમાનાર્થીને જોડતી એક રસપ્રદ રમત એટલે ક્વિક ક્વિઝ.
બાળપણમાં માણેલા અને હવે ભૂલાતં-વિસરાતાં જતાં જ્ઞાન વર્ધક કોયડાઓની રમત એટલે ઉખાણાં
મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.