પા પા પગલી, મામાની ડગલી. મામાની ડગલી, હીરાની ઢગલી. હીરા ઊછળિયા, આભલે અડિયા. આભલે અડિયા, તારલા બન્યાં!! પાપા  પગલી ધૂળની  ઢગલી, ઢગલીમાં ઢેલ જીવે મારી બેન. પાપા  પડિયા થોડુંક રડ્યા, રડતાં  રડતાં  આંસુડાં  ખર્યાં. પાપા પોળી ઘીમાં ઝબોળી, ચોળીને ખાજો તાજામાજા થાજો, તાજામાજા થાજો (2)

પેલા પંખીને જોઈ મને થાય,એના જેવી જો પાંખ મળી જાય,તો આભલે ઊડ્યા કરું,બસ! ઊડ્યા કરું,બસ! ઊડ્યા કરું! ઘડિયાળમાં દસ વાગ્યા, મમ્મી ખોળવાને આવે,પપ્પા ખોળવાને આવે, દીકરી કયાં? દીકરી કયાં?પેલા ડુંગરાની ટોચે, મારી પાંખ જઈને પહોંચે!મમ્મી ઢીંગલી જેવી! પપ્પા ઢીંગલા જેવા!.

બા મેં તો બાગમાં બાંધી નિશાળ, ભણવાને આવે છે ચકલીઓ ચાર, બા મેં તો બાગમાં બાંધી નિશાળ. નાની ખિસકોલી ભણવામાં પહેલી, આવે છબીલી એ તો સૌથી વહેલી, જરાના બોલે એ સૌથી શરમાય, જરાના બોલે એ સૌથી શરમાય, બા મેં તો બાગમાં બાંધી નિશાળ. કલબેલી કાબર ને છેલ્લે હું કાઢું, કચ કચ કરે તો એને આંખો […]

મંદિર તારું વિશ્વરૂપાળું,સુંદર સરજનહારા રે; પળ પળ તારાં દર્શન થાયે,દેખે દેખણહારા રે. નહિ પૂજારી નહિ કોઈ દેવા,નહિ મંદિરને તાળા રે;નીલ ગગનમાં મહિમા ગાતા,ચાંદો સૂરજ તારા રે. વર્ણન કરતાં શોભા તારી,થાક્યા કવિગણ ધીરા રે;મંદિરમાં તું કયાં છુપાયો,શોધે બાળ અધીરા રે. મંદિર તારું…

હતો હું સુતો પારણે પુત્ર નાનો,રડું છેક તો રાખતું કોણ છાનો ?મને દુ:ખી દેખી દુ:ખી કોણ થાતું ?મહા હેતવાળી દયાળી જ મા તું.સૂકામાં સુવાડે ભીને પોઢી પોતે,પીડા પામું પંડે, તજે સ્વાદ તો તે;મને સુખ માટે કટુ કોણ ખાતું ?મહા હેતવાળી દયાળી જ મા તું.દઇ છાતી સાથે બચી કોણ લેતું ?તજી તાજું ખાજું મને કોણ દેતું ?>મને કોણ મુખે મીઠાં ગીત્ […]

લે, આ મને ગમ્યું તે મારું પણ જો તને ગમે તો તારું! મારું, તારું ને ગમવું પણ, લાવ,લાવ કરીએ સહિયારું! તું જીતે ને થાઉં ખુશી હું, લેને, ફરી ફરીને હારું! ઈટ્ટા-કિટ્ટા એક ઘડીના, બાકી સઘળું પ્યારુંપ્યારું! હસિયે રમિયે મીઠું લાગે, થૂ, આંસુ તો લાગે ખારું! ગીત હોય તો શીદ અબોલા, તું ઝીલી લે, હું લલકારું! […]

હાં રે અમે ગ્યાં’તાં હો રંગના ઓવારે, કે તેજના ફુવારે, અનંતને આરે, કે રંગ રંગ વાદળિયાં, હાં રે અમે ઉડ્યા હો મોરલાના ગાણે, કે વાયરાના વહાણે, આશાના સુકાને, કે રંગ રંગ વાદળિયાં, હાં રે અમે થંભ્યાં, હો મહેલના મિનારે, પંખીના ઉતારે, ડુંગરાની ધારે, કે રંગ રંગ વાદળિયાં, હાં રે અમે પહોચ્યાં, હો આભલાને આરે, કે […]

રાતી રાતી ચણોઠડી ને બીજું રાતું બોર; ત્રીજું રાતું ચોળિયું ને દુખિયું રાતું ચોળ. કાળો કાળો કામળો ને બીજો કાગ; ત્રીજા કાળા મોવાળા ને ચોથો કાળો નાગ. ધોળું ધોળું પતાસું ને તેથી ધોળું રૂ; તેથી ધોળો રૂપિ‍યો ને સૌથી ધોળું દૂધ. પીળી પીળી હળદરડી ને બીજા પીળા પાન; તેથી પીળો કેસરી ને ચોથું સોનું જાણ.

વાયરા વનવગડામાં વાતા’તા વા વા વંટોળિયા રે! હાં રે અમે ગાડામાં બેસીને જાતાં’તાં વા વા વંટોળિયા રે! ગાડાં દોડે, ઘૂઘરા બોલે, બળદ કેરાં શિંગડાં ડોલે! હાં રે અમે એકસાથ-સાથ મળી ગાતાં’તાં વા વા વંટોળિયા રે! ધોમ ધખેલા,આભ તપેલાં, ગરમી કેરી ગાર લીંપેલા, હાંરે અમે ઊની ઊની લૂ મહીં નાહતાં’તાં વા વા વંટોળિયા રે!

પંડિત ચાલ્યા જાય છે ,પંડિત ચાલ્યા જાય છે . પગમાં જૂના જૂતા પેહરી પંડિત ચાલ્યા જાય છે .  આંબા ઉપર કેરી દેખી પંડિત જોવા જાય છે . તડાક કરતા કેરી તૂટી તાલ પર કુટાય છે. લોહી વહી જાય છે ને પંડિત ચાલ્યા જાય છે .   ખીસામાંથી ડબ્બી કાઢી છીકણી સુંઘવા જાય છે, હાક છી […]

બેનીને ઝબલે રૂપાળા મોર છે બેની મારી મારા કાળજાની કોર છે બેની મેડીએ રમે, બેની માડીને ગમે બેની ફળીયે રમે, બેની ફઈને ગમે બેની મેદાને રમે, બેની ભાઈને ગમે બેની સૈયરુંમાં રમે, બેની સૈયરુંને ગમે બેની શેરીમાં રમે, બેની સૌને ગમે બેનીને ઝબલે રૂપાળા મોર છે બેની મારી મારા કાળજાની કોર છે

‘ડોશીમા, ડોશીમા ક્યાં ચાલ્યાં?’ ‘છાણાં વીણવાં’ ‘છાણાંમાંથી શું જડ્યું?’ ‘રૂપિયો’ ‘રૂપિયાનું શું લીધું?’ ‘ગાંઠિયાં’ ‘ખાય જે ગાંઠિયાં, ભાંગે તેના ટાંટિયા’ ‘ઊભો રે’જે મારા પિટીયા’