ભાઈ બહેનની જોડી, કરતી દોડાદોડી, ભાઈ બહેનની જોડી, કરતી દોડાદોડી. એક છે હલેસું, ને એક છે હોડી. ભાઈ બહેનની જોડી, કરતી દોડાદોડી. અહીં જાય તહીં જાય, દૂધ પીએ દહીં ખાય. દહીંની છાશ થઈ, ભાઈબહેનને હાશ થઈ. છાશમાં છે માખણ, ભાઈ દોઢ ડહાપણ, એકમેકને ચીડવવાનો, બન્નેને ચસકો. બહેન પીએ લસ્સી, ને ભાઈ માંગે મસ્કો, ભાઈ બહેનની […]

એકડે એક પાપડ શેક, બગડે બે મણકા લે. ત્રગડે ત્રણ ઝટપટ ગણ, ચોગડે ચાર લગાડો નહિ વાર. પાંચડે પાંચ ચોપડી વાંચ, છગડે છ રડશો ન, સાતડે સાત સાંભળો વાત, આઠડે આઠ ભણો પાઠ, નવડે નવ બોલો સૌ, એકડે મીંડે દશ, હસ ભાઈ હસ.

રવિ પછી તો સોમ છે,ત્રીજો મંગળવાર,ચોથો બુધ, ગુરુ પાંચમો,છઠ્ઠો શુક્રવાર,શનિવાર તે સાતમો,છેલ્લો વાર ગણાય,એમ મળી અઠવાડિયું,સાત દિવસનું થાય.

આવ રે બહેન!…નહિ આવું. તારી કોઠીએ જાર,…નહિ આવું. તારી ભેંસ વિયાણી,…નહિ આવું. તારી પાડી રણકે,…નહિ આવું. તારી માડી છણકે,…નહિ આવું. તારો ભઈલો રડે,આ…..આવી!

એક હતી શકરી એણે પાળી બકરી શકરી ગઈ ફરવા બકરી ગઈ ચરવા ફરીને આવી શકરી ભાળી નહીં બકરી શકરી રુવે એં એં એં, બકરી બોલે બેં બેં બેં

મને કહોને પરમેશ્વર કેવા હશે ?ક્યાં રહેતા હશે, શું કરતા હશે ? ગગનની ઓઢણીમાં ચાંદા સૂરજને,તારાને ગૂંથનારા કેવા હશે ? … મને કહોને… આંબાની ઊંચી ડાળે ચડીને,મોરોને મૂકનાર કેવા હશે ? … મને કહોને… મીઠા એ મોરોના સ્વાદ ચખાડી,કોયલ બોલાવનાર કેવા હશે ? … મને કહોને… ઊંડા એ સાગરનાં મોજાં ઉછાળી,ધૂ ધૂ ગજાવનાર કેવા હશે ? … મને કહોને… મનેય મારી […]

પારણે ઝુલતું, આંબા ડાળે ડોલતું, કેવું અદ્ભુત છે મારું બાળપણ. મોજ-મસ્તી કરતું, ધીંગામસ્તી કરતું, કેવું અજાયબ છે મારું બાળપણ. બગીચામાં ખીલતું, ફૂલોને ચુમતું, કેવું વિચિત્ર છે મારું બાળપણ. રમકડાંથી રમતું, લોકચાહના પામતું, કેવું પ્રેમાળ છે મારું બાળપણ. વડીલોને પૂજતું, નિત્ય પ્રાર્થના કરતું, કેવું સુખ રૂપ છે મારું બાળપણ. સારું ગ્રહણ કરતું, સુવિચાર આચરતું, કેવું વિચારશીલ […]

ચોખ્ખું ઘરનું આંગણું ચોખ્ખો ઘરનો ચોક;ચોખ્ખો ઘરનો ઓટલોચોખ્ખાં મેડી ગોખ.  ચોખ્ખા ઘર, કપડાં થકી,માણસ બહુ સોહાય,શરીર ચોખ્ખું રાખીએ,રોગ કદી નવ થાય.  નાહ્યેથી તન સાફ રહે, સાચેથી મન સાફ.મન, તન, ઘર છે સાફ,દૂર રહે નિત પાપ.

ઢીંગલી મેં તો બનાવી મઝાની,તૈયાર એને હવે કરવાની.એનું ઝભલું સીવડાવવા દરજી પાસે જાઉં,દરજીભાઈ દરજીભાઈ ઝભલું સીવી દો,લાલ પીળા ઓઢણામાં આભલા જડી દો … ઢીંગલી એના ઝાંઝર બનાવવા સોની પાસે જાઉં,સોનીભાઈ સોનીભાઈ ઝાંઝર બનાવી દો,મોતીની માળા ને બંગડી ઘડી દો … ઢીંગલી એની મોજડી સીવડાવવા મોચી પાસે જાઉં,મોચીભાઈ મોચીભાઈ મોજડી સીવી દો,લાલ મખમલની મોજડી સીવી દો […]

દરિયાને તીર એક રેતીની ઓટલીઊચીં અટૂલી અમે બાંધી જી રે. પગલું તે એક એક પાડે મહેમાન એમ,રામજીની આણ અમે દીધી જી રે. પહેલા મહેમાન તમે આવો, સૂરજદેવ,પગલું સોનેરી એક પાડજો જી રે,પગલામાં નવલખ તારાની ભાત ને,સંધ્યાના રંગ બેએક માંડજો જી રે. બીજા મહેમાન તમે આવો, પવનદેવ,પગલું પનોતું એક પાડજો જી રે,પગલામાં વાત લખો પરીઓના દેશની,ફૂલડાંની […]

દરિયો ડોલે રે માઝમ રાતનો, હે….ઝૂલે જાણે પારણે મારો વીર રે,મધરાતે માતા રોતા વીરાની દોરી તાણતી. છલકે મોજા રે છોળો મારતા, હે…ખૂંદે જાણે ખોળલા મારો વીર રેમધરાતે માતા રોતા વીરાની દોરી તાણતી. આભમાંથી ચાંદો રેલે ચાંદની, હે…પાથરે જાણે વીરાના ઓછાડ રેમધરાતે માતા રોતા વીરાની દોરી તાણતી. ઝલકે ઝલકે રે જળ માછલી, ઝલકે જાણે વીર મ્હારાને […]

નીંદરભરી રે ગુલાલે ભરી,બે’નીબાની આંખડી નીંદરભરી રે. નીંદરને દેશ બે’ની નત્ય નત્ય જાતાં,આકાશી હિંચકાની હોડી કરી – બે’નીબાની. દોરી તાણીને વીર મારે હલેસાં,હાલાં વાયાં ને હોડી વેગે ચડી. – બે’નીબાની. નીંદર બેઠી છે નીલ સમદરના બેટમાં,કેસરિયા દૂધના કટોરા ધરી. – બે’નીબાની. નીંદરનો બાગ કાંઈ લૂંબે ને ઝૂંબે,કળીઓ નિતારીને કચોળી ભરી. – બે’નીબાની. સિંચ્યા એ તેલ મારી બે’નીને માથડે,નાવણ કરાવે ચાર દરિયાપરી. – બે’નીબાની. છીપોની વેલડીને […]