મામાનું ઘર કેટલે,દીવા બળે એટલે,દીવા મેં તો દીઠા,મામા લાગે મીઠા. મામી મારી ભોળી,મીઠાઈ લાવે મોળી,મોળી મીઠાઈ ભાવે નહિ,રમકડાં તો લાવે નહિ.

પરોઢિયે પંખી જાગીને ગાતાં મીઠાં તારાં ગાન, પરોઢિયે મંદિર મસ્જિદમાં ધરતાં લોકો તારું ધ્યાન. તું ધરતીમાં તું છે નભમાં, સાગર મહીં વસે છે તું, ચાંદા સૂરજમાંયે તું છે ફૂલો મહીં હસે છે તું. હરતાં ફરતાં કે નીંદરમાં, રાતે દિવસે સાંજ સવાર, તારો અમને સાથ સદાયે તું છે સૌનો રક્ષણહાર. દેવ બનાવી દુનિયા છે તેં, તારો […]

રીંછ એકલું ફરવા ચાલ્યું હાથમાં લીધી સોટી; સામે રાણા સિંહ મળ્યા રે, આફત આવી મોટી. ઝૂકી ઝૂકી ભરી સલામો, બોલ્યું મીઠા વેણ: મારે ઘેર પધારો રાણા! રાખો મારું કહેણ. હાડચામડાં બહુ ચૂંથ્યાં, ચાખોજી મધ મીઠું; નોતરું દેવા ખોળું તમને, આજ મુખડું દીઠું! રીંછ જાય છે આગળ, એના પગ ધબધબ, સિંહ જાય છે પાછળ, એની જીભ લબલબ. ઘર આ મારું જમો સુખેથી, મધની […]

નાની મારી આંખ એ જોતી કાંક કાંક,એ તો કેવી અજબ જેવી વાત છે… નાક મારું નાનું એ સૂંઘે ફૂલ મજાનું,એ તો કેવી અજબ જેવી વાત છે… નાના મારા કાન એ સાંભળે દઈને ધ્યાન,એ તો કેવી અજબ જેવી વાત છે… નાનું મોઢું મારું એ બોલે સારું સારું,એ તો કેવી અજબ જેવી વાત છે… નાના મારા હાથ […]

આવ રે વરસાદ, ઢેબરિયો પરસાદ, ઊની ઊની રોટલી ને કારેલાનું શાક ! 

એક બિલાડી જાડી,તેણે પહેરી સાડી,સાડી પહેરી ફરવા ગઈ,તળાવમાં તે તરવા ગઈ,તળાવમાં તો મગર,બિલ્લીને આવ્યા ચક્કર,સાડીનો છેડો છૂટી ગયો,મગરના મોઢામાં આવી ગયો,મગર બિલ્લીને ખાઈ ગયો.

સામે એક ટેકરી છે, ત્યાં વડનું ઝાડ છે. વડને વડવાઈઓ છે, ઠંડી મજાની હવા છે. કાલે ત્યાં જાશું ભાઈ, હીંચકા ખાશું ભાઈ! ઉજાણી પણ કરશું ભાઈ, રમીને જમીને જશું ભાઈ!

જાડો પાડો હાથી, સૂંઢમાં લાવ્યો પાણી, પાણી સાવ ગંદું, સામે આવ્યો ચંદુ, ચંદુની ચોટલી, બા બનાવે રોટલી, રોટલીના કટકા, ચંદુભાઈ છે બટકા 

હાથીભાઈ તો જાડા, લાગે મોટા પાડા, આગળ ઝૂલે લાંબી સૂંઢ, પાછળ ઝૂલે ટૂંકી પૂંછ 

દાદાનો ડંગોરો લીધો, તેનો તો મેં ઘોડો કીધો, ઘોડો ચાલે રૂમઝૂમ, ધરતી ધ્રૂજે ધમધમ, ધમ ધમ ધરતી થાતી જાય, મારો ઘોડો કૂદતો જાય, કૂદતાં કૂદતાં આવે કોટ, કોટ કૂદીને મૂકે દોટ !

મેં એક બિલાડી પાળી છે, તે રંગે બહુ રૂપાળી છે. તે હળવે હળવે ચાલે છે, ને અંધારામાં ભાળે છે. તે દૂધ ખાય દહીં ખાય, ઘી તો ચપ ચપ ચાટી જાય. તે ઉંદરને ઝટ પટ ઝાલે. પણ કૂતરાથી બીતી ચાલે. તેના ડીલ પર ડાઘ છે, તે મારા ઘરનો વાઘ છે.

હું ને ચંદુ છાનામાના કાતરીયામાં પેઠા,લેસન પડતું મૂકી ફિલમ ફિલમ રમવા બેઠા.મમ્મી પાસે દોરી માંગી પપ્પાની લઈ લુંગી,પડદો બાંધી અમે બનાવી ફિલમ મૂંગી મૂંગી.દાદાજીના ચશ્મામાંથી કાઢી લીધા કાચ,એનાથી ચાંદરડા પાડ્યા પડદા ઉપર પાંચ.ચંદુ ફિલમ પાડે ત્યારે જોવા આવું હું,હું ફિલમ પાડું ત્યારે જોવા આવે છે ચંદુ.કાતરીયામાં છુપાઈને બેઠીતી બિલ્લી એક,ઉંદરડીને ભાળી એણે તરત લગાવી ઠેક.ઉંદરડી […]