સાબરકાંઠા જિલ્લો હિંમતનગર, ઈડર, ખેડબ્રહ્મા, પોશીના, પ્રાંતિજ, તલોદ, વડાલી અને વિજયનગર – એમ કુલ 8 તાલુકાનો બનેલ છે. આ જિલ્લામાં 1363 જેટલાં ગામડાં આવેલાં છે જ્યારે તેનો કુલ વિસ્તાર 7,259.60 ચો. કિ.મી. છે. અંદાજીત વસ્તી 24 લાખથી વધુ છે. 76%થી વધુ સાક્ષરતાનો દર તે ધરાવે છે.
પશુપાલન અને ડેરી ઉદ્યોગ માટે જાણીતા ઉત્તર ગુજરાતના આ જિલ્લામાં હિંમતનગર પાસે સાબર ડેરી આવેલી છે. કારતક માસમાં અહીં ત્રણ અઠવાડિયાં સુધી મેળો ભરાય છે. આ જિલ્લો તેનાં લાકડાનાં રમકડાં, પ્રાચીન ગઢ, મંદિરો અને શ્રીમદ રામચંદ્રનો આશ્રમ વગેરે માટે જાણીતું છે. મોડાસા અને તલોદ શિક્ષણનાં કેન્દ્રો છે. પ્રાંતિજમાં મત્સ્ય-ઉદ્યોગકેન્દ્ર આવેલું છે. ખેડબ્રહ્મામાં અંબાજી અને બ્રહ્માનાં મંદિરો આવેલાં છે. સાબરમતી, હાથમતી, મેશ્વો વગેરે નદીઓ પર નાનામોટા બંધો આવેલા છે. હિંમતનગરમાં સિરામિક ઉદ્યોગ વિકસ્યો છે. આ જિલ્લાનું આરસોજિયાનું ક્ષેત્ર ચિનાઈ માટીનું ભારતમાં સૌથી મોટું ક્ષેત્ર છે. ઈડરથી વિજયનગર જતાં પોળોના ડુંગરનાં જંગલોમાં અનેક મંદિરોના ભગ્નાવશેષો પડેલા છે.
આડા ઊભાં ગોઠવાયેલા શબ્દોમાંથી સાચો શબ્દ શોધતી ગુજરાતી ભાષાની ઓનલાઇન રમાતી પ્રથમ રમત એટલે વર્ડ સર્ચ.
સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.
મગજને કસરત કરાવતી અને જોડકાં જોડો પદ્ધતિ દ્વારા શબ્દ અને અર્થ કે સમાનાર્થીને જોડતી એક રસપ્રદ રમત એટલે ક્વિક ક્વિઝ.