હોંશ; ઉમંગ (2) આનંદ; હર્ષ (3) ખંત (4) વીરરસનો સ્થાયીભાવ (કા.શા.)

આનંદ; હર્ષ; ઓચ્છવ; સુખ; ઉલ્લાસ.

ઉદ્યમ; પ્રયત્ન; પુરુષાર્થ.

ઉમળકો; ઉત્કંઠા; હોંશ; ખંત; ઊલટ.

કલ્યાણ; શ્રેય; કુશળ.

કૌવત; જોમ; શક્તિ; તાકાત.

( પિંગળ ) બાર બાર માત્રાએ યતિવાળો ચોવીશ વર્ણનો એક સમજાતિ છંદ; કર્ણાટકી છંદ.

( પિંગળ ) દરેક ચરણમાં તેર અક્ષરવાળો ધ્રુપદના સોળ માંહેનો એક પ્રકાર.

દોરો; સૂત્ર; તાંતણો.

નિશ્ચય; ઠરાવ.

( કાવ્ય ) વીરરસનો એક સ્થાયીભાવ એટલે કાયમી ગુણ. રતિ, હાસ, શોક, ક્રોધ, ઉત્સાહ, ભય, જુગુપ્સા એટલે કંટાળો અને વિસ્મય એ આઠ સ્થાયીભાવ છે. યુદ્ધ, દાન, દયા એ ત્રણમાંથી કોઈ કામ કરવામાં ઉદ્યોગ થાય તેને ઉત્સાહ અને અતિશય ઉત્સાહ થાય તેને વીર્ય કહે. એ ઉત્સાહથી વીરરસ બને છે. તેના ત્રણ ભેદ; યુદ્ધવીર, દાનવીર, દયાવીર યુદ્ધવીરનો ઉત્સાહ રામચંદ્રનો છે. જેમકે, `સેના સજ્જ કરે, સ્વકાંતિ બમણી સાધે સુધારે ધનુ, દુષ્ટો રાવણ નેત્ર સન્મુખ થશે ઉત્સાહ એવો ધરે; એ ઉત્સાહ વિચાર મૂઠ બનતાં શ્રી રામચંદ્રે તદા, ના સાંધી ધનુકોટિમાં પણછને, બાણોજ સાંધ્યાં તિહાં.` દાનવીરનો ઉત્સાહ પરશુરામનો છે. જેમકે, `વિપ્રોને પૃથિવી જ અર્પણ કરી, ના અપિયાં આટલાં, આદર્શાર્થ શર્શાક મંડલ તથા હર્મ્યાર્થ હેમાચલો; દીવા કાજ ન અર્પિયો દિનમણિ, ઉત્સાહ એવો ધરી દાનેચ્છા બહુલી ધરી મન વિષે ભાળ્યું ન કોના ભણી.` દયાવીરનો ઉત્સાહ કૃષ્ણનો છે. જેમકે, `ઉદ્ધારવાને ભવ જંતુઓને, પ્રકારના કૃષ્ણ કરે વિચારો; ફૂટયો કૃપાઅંકુર છાતિ માંહે, મિષેજ તે કૌસ્તુભ રત્ન કેરો.`

શુભ પ્રસંગ; રૂડો અવસર.

સપરમો દિવસ; પર્વ; તહેવાર.

હિંમત; સાહસ.